郭富城前绯闻女友王秀琳淡出10年 近况曝光爆非礼往事

现年41岁的王秀琳（Mango）淡出娱乐圈近10年，当年与郭富城的一段绯闻曾轰动一时，近日自家酱料生意经营得有声有色的她为鬼王潘绍聪的网上节目担任嘉宾，不忿被网民指摘拜金及屈人非礼，自爆当年遭非礼后要哑口食黄莲，甚是戆居：公司帮我开记者会我只识喺度喊，唔识去解释，因为好惊，一个女仔二十出头，唔会生安白造咁冇面慨嘢。好多以前新闻误会我人格，我冇机会去平反，加上以前唔够胆去讲，就算系事实，但公司都想我讲少句，等件事被忘记；但其实唔系咁，我离开咗（娱乐圈）都系咁，到你死嗰刻都系带住呢样嘢去死。

王秀琳对于被非礼的那段经历仍记忆犹新：嗰日系鬼门关开，嗰时喺清水湾亚视影城拍嘢，但嗰日冇嗰位演员慨戏份，唔想开名，渠走埋嚟话阵间收工一齐去食饭，就同主角一齐去食消夜，嗰次系我第一次接触男主角。食完饭之后男主角住将军澳话顺路兜埋我，成个人已经好快擒喺我身上，唔系夸张或者特登讲衰人哋，唔好话发毒誓，总之我唔会讲大话，之后情节唔讲得咁清楚，我喺车里面求渠放我走，佢好大力压落嚟，我系咁喺度喊。Mango称落车后狂哭兼不敢回家，之后回公司继续开工男主角竟当无事发生，令Mango嬲到震：我嗰刻真系好想杀咗渠！

后来有份食饭的男演员见Mango双眼通红上前慰问，后来才得知对方向记者通风报讯，令事件张扬。当时她到警署录口供：一位Madam话嗰个人喺渠哋差馆有6次非礼人慨纪录，我真系发誓冇讲大话，但以前冇咁多天眼，衫都洗埋啦！我成日俾人闹已经好惨，当时细个发生呢啲事仲俾人话我屈渠。潘绍聪则打圆场说：人比鬼更加恐怖，放下啦！

Mango于2004年曾参与亚视《我和僵尸有个约会3永恒国度》拍摄，并声称遭同剧对手非礼，指对方于驾车送她回家途中强行拖手、强吻，甚至想伸手入其衫内，而嫌疑人尹天照表示乐意与Mango当面对质，Mango最终报警，尹天照曾被带返警署协助调查，同年12月，尹天照获通知不予起诉，事件告一段落。